Fayyadamtoonni Facebook biliyoona 1.5 dhaqqaban

Baatii sadi keessatti Facebook galii biliyoona $4.5 wolitti qabuu danda'eera

Dhaabbanni Facebook addunyaa irratti namoonni biliyoona 1.5 fayyadamtoota Facebook akka ta’an ibseera. Kana jechuun %30 dhala-namaa kanniin umriidhaan 15 – 65 jidduu jiranii fayyadamtoota Facebook ta’uu isaanii agarsiisa.

Fayyadamtoonni Facebook akkas heddummachuun isaa dhaabbanni Facebook baatii sadan darbe qofa keessatti galii biliyoona $4.5 akka wolitti sassaabu isa taasiseera. Hedduun galii kanaa kan argame suuraa fi viidiyoota bifa beeksisaan gadi lakkifaman irraati.

Guyyaa tokko qofatti namoonni biliyoona tokko Facebook fayyadamuun ykn seenuun isaanii beekameera. Kunis kan ta’e baatii Hagayya darbe keessa.

Ammas namoota heddutu gara Facebook itti dhufaara. Facebook maamiloota harawa baay’inaan horataa kan jiru biyyoota guddataa jiran keessaa ta’uunis beekameera.